Зяленскі адказаў Трампу

Украіна ніколі не атрымлівала ад ЗША дронаў-перахопнікаў.

Для абароны ад іранскіх беспілотнікаў краінам Блізкага Усходу і ЗША варта выкарыстоўваць украінскія дроны-перахопнікі, а не дэфіцытныя зенітныя ракеты. Пра гэта заявіў прэзідэнт Украіны Уладзімір Зяленскі у інтэрв’ю CNN.

У пачатку сакавіка прэзідэнт ЗША Дональд Трамп на фоне канфлікту з Іранам заявіў, што амерыканскай арміі можа не хапіць узбраення, паколькі яго папярэднік Джо Байдэн нібыта перадаў занадта шмат зброі Украіне. Журналіст пацікавіўся ў Зяленскага, ці турбуюць яго такія заявы, бо складаецца ўражанне, што Трамп незадаволены Украінай і яе кіраўніцтвам.

«Шчыра кажучы, я не ведаю. Я гляджу толькі на факты. Цяпер краінам Блізкага Усходу і ЗША неабходна перш за ўсё ўзмацніць бяспеку. Ім патрэбныя перахопнікі для барацьбы з дронамі. Гэта новыя тэхналогіі — нашыя тэхналогіі», — адказаў Зяленскі.

Ён падкрэсліў, што Украіна ніколі не атрымлівала ад ЗША дронаў-перахопнікаў і нават не звярталася з такой просьбай, паколькі гаворка ідзе пра цалкам новую распрацоўку.

Пры гэтым прэзідэнт нагадаў, што Украіна атрымала ад ЗША ракеты для сістэм Patriot і ўдзячная за гэтую дапамогу. Аднак, паводле яго слоў, краіны Блізкага Усходу маюць большую колькасць такіх ракет, чым Украіна атрымала ад ЗША і Еўропы за ўвесь час вайны.

«Падчас першай атакі — у першыя 24–36 гадзін — яны выкарысталі больш за 800 ракет Patriot. Гэта больш, чым у нас было за папярэднія месяцы», — адзначыў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]