Беларусаў папярэдзілі пра «зваротны званок»

Пасля іх можна застацца без грошай.

У УУС Брэсцкага аблвыканкама папярэдзілі пра новую схему махлярства пад назвай «зваротны званок», пасля якой з банкаўскай карткі могуць знікнуць усе грошы. Махляры выкарыстоўваюць падставу нібыта ўзламанага ўліковага запісу, каб прымусіць ахвяру ператэлефанаваць — і пачынаецца сапраўдная афёра.

Як паведамілі ў ведамстве, схема працуе так: спачатку чалавеку прыходзіць SMS або паведамленне ў мэсэнджары з тэкстам кшталту «Ваш уліковы запіс узламаны. Каб спыніць злоўмыснікаў, тэрмінова патэлефануйце па нумары…».

На лініі нібыта адказвае «служба падтрымкі». Голас гучыць упэўнена, а на фоне чуваць шумы, што імітуюць сапраўдны кол-цэнтр. Махляры пачынаюць «ратаваць» ахвяру ад узлому, якога насамрэч не было.

Падчас размовы махляры просяць:

назваць даныя банкаўскай карткі;

прадыктаваць код з SMS;

падцвердзіць «аперацыю па абароне сродкаў».

У выніку чалавек добраахвотна перадае ўсе неабходныя даныя, пасля чаго грошы крадуць.

У УУС нагадалі: калі прыходзіць трывожнае паведамленне, уваходзіць у сэрвіс варта толькі праз афіцыйны сайт або дадатак — званкі на староннія нумары недапушчальныя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]