Мексіка спыніла пастаўкі нафты на Кубу

Востраў ахапіў паліўны крызіс.

Мексіка прыпыніла пастаўкі нафты на Кубу з-за пагрозы ўвядзення мытных пошлін з боку ЗША. Пра гэта заявіла прэзідэнтка краіны Клаўдыя Шэйнбаум.

«Адпраўка [нафты] на дадзены момант прыпыненая, мы імкнёмся пазбегнуць негатыўных наступстваў для Мексікі», — сказала яна.

Шэйнбаум удакладніла, што ЗША апублікавалі ўказ аб увядзенні мытных пошлін для краін, што пастаўляюць паліва Кубе. У той жа час яна заявіла, што Мексіка не адмовіцца ад гуманітарнай падтрымкі Кубы.

29 студзеня прэзідэнт ЗША Дональд Трамп абвясціў надзвычайнае становішча ў Злучаных Штатах з-за пагрозы нацыянальнай бяспецы, якая зыходзіць ад Кубы. У адказ на гэта кубінскія ўлады на наступны дзень таксама прынялі рашэнне ўвесці надзвычайнае становішча на востраве, пазначыўшы яго як меру «ў сувязі з экстрэмальнай пагрозай» з боку Вашынгтона.

Праз два дні Трамп падпісаў указ аб увядзенні мытных пошлін на тавары з краін, што ажыццяўляюць пастаўкі нафты на Кубу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]