МАГАТЭ правядзе праверкі ядзерных аб’ектаў у Беларусі

Інспекцыі закрануць Беларускую АЭС і інстытут «Сосны».

Планавыя праверкі на Беларускай АЭС і ва Аб’яднаным інстытуце энергетычных і ядзерных даследаванняў «Сосны» правядуць у гэтым месяцы эксперты Міжнароднага агенцтва па атамнай энергіі (МАГАТЭ), выплывае з паведамлення Дэпартамента па ядзернай і радыяцыйнай бяспецы (Дзяржатамнагляд) Міністэрства па надзвычайных сітуацыях.

9 і 15 лютага прадстаўнікі МАГАТЭ праінспектуюць БелАЭС, 13 лютага — «Сосны». Плануецца правесці фізічную інвентарызацыю ядзернага матэрыялу, тэхнічнае абслугоўванне сістэм захавання і назірання МАГАТЭ, праверыць, як вядзецца ўліковая дакументацыя.

Падобныя праверкі, якія арганізуе Дзяржатамнагляд, праводзяцца ў межах пагаднення паміж Беларуссю і МАГАТЭ аб прымяненні гарантый у сувязі з Дагаворам аб нераспаўсюджванні ядзернай зброі (заключана 14 красавіка 1995 года).

Рэгулятар падкрэсліў, што гарантыі МАГАТЭ «з’яўляюцца неад’емнай складовай міжнароднай сістэмы бяспекі і ўяўляюць сабой комплекс тэхнічных мер, якія прымяняюцца ў дачыненні да ядзерных устаноў і ядзернага матэрыялу, якія выкарыстоўваюцца дзяржавамі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]