У Крэмлі адрэагавалі на інфармацыю СМІ аб магчымым правядзенні выбараў ва Украіне да 15 мая

Выказацца даручылі Пяскову.

Прадстаўнік расійскага Крэмля Дзмітрый Пяскоў заявіў, што пакуль «рана казаць» пра гатоўнасць Украіны правесці выбары гэтай вясной, паколькі ёсць толькі «абмен паведамленнямі» праз прэсу з боку крыніц.

Пра гэта ён сказаў на брыфінгу ў сераду, 11 лютага, пішуць расійскія прапагандысцкія СМІ.

Ён сцвярджае, што Масква ўважліва сочыць за інфармацыйнымі плынямі ў медыя і бярэ іх да ўвагі. У той жа час «трэба арыентавацца на першакрыніцы», ад якіх заяў пра выбары вясной пакуль не было, кажа прадстаўнік расійскага дыктатара.

11 лютага газета Financial Times са спасылкай на ўкраінскіх і еўрапейскіх чыноўнікаў паведаміла, што прэзідэнт Украіны Уладзімір Зяленскі 24 лютага мае намер абвясціць пра планы правесці выбары і рэферэндум гэтай вясной — да 15 мая на фоне моцнага ціску з боку ЗША і пагрозы страціць гарантыі бяспекі.

Крыніцы Укрынформа ў Офісе прэзідэнта Украіны аспрэчылі верагоднасць правядзення выбараў у бліжэйшы час, паколькі Расія працягвае наносіць удары.

«Ніхто ж не супраць выбараў, але павінна быць бяспека», — адзначылі ў ОП.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]