Стала вядома, чаму Telegram адмовіўся ад інтэграцыі Grok
2- 30.01.2026, 6:07
- 5,766
Здзелка Дурава і Маска сарвалася.
Партнёрства Telegram і xAI па інтэграцыі чат-бота Grok у месэнджар не адбылося з-за разыходжанняў, звязаных з канфідэнцыяльнасцю карыстальніцкіх дадзеных. Пра гэта паведамляе «Код Дурова» са спасылкай на крыніцы.
Ключавыя занепакоенасці, паводле выдання, выклікала мадэль працы большасці рашэнняў ШІ, што абапіраюцца на цэнтралізаваных правайдараў. Такі падыход прадугледжвае перадачу карыстальніцкіх дадзеных староннім кампаніям, якія патэнцыйна могуць выкарыстоўваць іх у ўласных інтарэсах, што супярэчыць базавым прынцыпам Telegram у частцы абароны прыватнасці.
Пра партнёрства Telegram і xAI было абвешчана ў маі 2025 года. Тады Павал Дураў заяўляў пра дамоўленасць тэрмінам на адзін год, у межах якой Grok павінен быў быць інтэграваны ў Telegram. Паведамлялася, што месэнджар атрымае $300 млн, а таксама 50% выручкі ад падпісак xAI, аформленых праз платформу. Пры гэтым кіраўнік xAI Ілон Маск падкрэсліў, што юрыдычна абавязковыя дакументы падпісаныя не былі, пасля чаго Дураў адзначыў, што бакі дасягнулі прынцыповай згоды, але яшчэ не ўладзілі фармальнасці.
Запуск ШІ ў месэнджары планаваўся на лета 2025 года, аднак так і не адбыўся. Паводле «Кода Дурова», Telegram таксама разглядаў супрацоўніцтва з Perplexity і шэрагам іншых кампаній ШІ, аднак перамовы ва ўсіх выпадках упіраліся ў пытанне канфідэнцыяльнасці.
Сярод ключавых рызык крыніцы называюць негатыўную рэакцыю карыстальнікаў, не гатовых перадаваць асабістыя дадзеныя трэцім бакам, а таксама сістэмныя абмежаванні цэнтралізаваных платформаў ШІ. У выніку ў Telegram зрабілі стаўку на дэцэнтралізаваны падыход і адмовіліся ад ідэі прамай інтэграцыі старонняга ШІ.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
