Супраць Meta падалі міжнародны пазоў

Кампанію абвінавацілі ў доступе да прыватных паведамленняў WhatsApp.

Міжнародная група пазоўнікаў падала ў суд ЗША на кампанію Meta Platforms, Inc., абвінавачваючы яе ў распаўсюджанні ілжывых звестак пра канфідэнцыйнасць і бяспеку WhatsApp.

Пра гэта паведамляе Bloomberg.

Пазоўнікі сцвярджаюць, што нягледзячы на заявы кампаніі пра скразное шыфраванне (end-to-end), якое нібыта робіць паведамленні даступнымі толькі адпраўніку і атрымальніку, Meta захоўвае, аналізуе і мае доступ амаль да ўсіх прыватных чатаў карыстальнікаў. Паводле пазову, кампанія і яе кіраўніцтва нібыта махлярскім чынам уводзяць у зман мільярды карыстальнікаў WhatsApp у свеце.

Пазоў быў пададзены ў пятніцу ў Акруговы суд ЗША ў Сан-Францыска. У групу пазоўнікаў увайшлі грамадзяне Аўстраліі, Бразіліі, Індыі, Мексікі і Паўднёвай Афрыкі. Юрысты патрабуюць прызнаць справу калектыўным пазовам.

У Meta заявілі, што пазоў «беспадстаўны» і паабяцалі дамагацца санкцый супраць адвакатаў пазоўнікаў. Прадстаўнік кампаніі Эндзі Стоўн падкрэсліў:

«Любыя сцвярджэнні пра тое, што паведамленні WhatsApp не зашыфраваныя, катэгарычна ілжывыя. WhatsApp выкарыстоўвае end-to-end шыфраванне паводле пратаколу Signal ужо дзесяць гадоў. Гэты пазоў — выдумка», — сказаў ён.

Пазоў таксама спасылаецца на інфармацыю ад разаблачальнікаў, якія нібыта выявілі парушэнні, аднак канкрэтныя асобы не раскрываюцца. Адвакаты пазоўнікаў пакуль устрымліваюцца ад каментароў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]