СБУ ўзяла ў палон расіяніна, датычнага да расстрэлу украінскіх палонных

Акупант адкажа за ўчыненае.

Украінскія сілы ўзялі ў палон расійскага вайскоўца, які датычны да расстрэлу украінскіх палонных у кастрычніку мінулага года на тэрыторыі Курскай вобласці РФ.

Пра гэта паведаміў прэзідэнт Украіны Уладзімір Зяленскі па выніках дакладу першага намесніка старшыні Службы бяспекі Украіны Аляксандра Паклада.

«Узяты ў палон менавіта той расіянін, які вінаваты ў расстрэле украінскіх палонных у кастрычніку мінулага года на Куршчыне. Кожны расійскі забойца павінен адказаць за ўчыненае. Так і будзе», — заявіў Зяленскі.

Прэзідэнт Украіны падкрэсліў, што ўсе датычныя да ваенных злачынстваў панясуць адказнасць.

Таксама Зяленскі паведаміў пра працу СБУ па супрацьдзеянні расійскім дыверсіям у тыле.

«Супрацьдзейнічаем і расійскім дыверсіям у тыле — дзякуй Службе бяспекі Украіны за абарону нашых грамадзян», — адзначыў прэзідэнт Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]