Шольц расказаў аб сакрэтнай падрыхтоўцы Кіевам аперацыі ў Курскай вобласці
17- 21.08.2024, 21:49
- 6,850
![Шольц расказаў аб сакрэтнай падрыхтоўцы Кіевам аперацыі ў Курскай вобласці](https://i.c97.org/ai/465370/aux-head-1651156252-20220428_szolc_360.jpg)
Нямеччына нічога не ведала.
Канцлер Нямеччыны Олаф Шольц заявіў, што Украіна не кансультавалася з Бэрлінам наконт сваёй аперацыі ў Курскай вобласці.
Пра гэта паведамляе Reuters.
У той жа час Шольц мяркуе, што аперацыя УСУ будзе абмежаваная ў часе і тэрыторыі, а Бэрлін уважліва сочыць за далейшым развіццём падзей вакол Курскай вобласці.
«Украіна падрыхтавала сваю вайсковую аперацыю ў Курскай вобласці вельмі таемна і без зваротнай сувязі, што безумоўна звязана з сітуацыяй. Гэта вельмі абмежаваная аперацыя з пункту гледжання прасторы і, верагодна, таксама з пункту гледжання часу», - сказаў Шольц.
Ён таксама заявіў, што Нямеччына і надалей будзе падтрымліваць Украіну, нягледзячы на спрэчкі, якія ўзніклі ў апошнія дні.