Беларусы пераходзяць на бульбу і яблыкі
6- 26.07.2024, 19:44
- 6,312
![Беларусы пераходзяць на бульбу і яблыкі](https://i.c97.org/ai/339347/aux-head-1561663610-2019_06-27_kartofan_360.jpg)
Ад віна і мяса даводзіцца адмаўляцца.
Белстат апублікаваў звесткі аб продажах прадуктаў харчавання і напояў за першыя 6 месяцаў 2024 года.
Так, напрыклад, продажы бульбы выраслі амаль на 10%, ці больш чым на 3 тысячы тон, яблыкаў набылі на 7 тон больш, ці на 26% больш, чым у студзені-чэрвені 2023, і палова з гэтых яблыкаў была вырашчаная ў Беларусі.
У першым паўгоддзі 2024 года беларусы горш набывалі і мяса, і субпрадукты. Так, напрыклад, продажы свініны ўпалі на 6%, ялавічыны - на 11%.
Але лепш бралі шакалад і кандытарскія вырабы са змяшчэннем какавы - плюс 7,1%. Зусім нязначна, прыкладна на 3% знізіліся продажы гарэлкі, на 5% - продажы віна, а продажы каньякоў і брэндзі выраслі на 7% больш, пеністых вінаў і шампанскага - на 5,6%.