«Авіякатастрофы ў РФ будуць адбывацца часцей праз памылкі пілотаў»
- 26.07.2024, 16:43
- 4,070
![«Авіякатастрофы ў РФ будуць адбывацца часцей праз памылкі пілотаў»](https://i.c97.org/ai/333329/aux-head-1557292518-20190508_sukhoj_100_t.jpg)
Аналіз авіяцыйнага эксперта.
Авіякатастрофы ў Расеі будуць адбывацца часцей праз праблемы з экіпажамі. Такое меркаванне FREEДОМ выказаў авіяцыйны эксперт, намеснік дырэктара ўкраінскай кампаніі па вытворчасці сістэм радыёэлектроннай барацьбы (РЭБ) Анатоль Храпчынскі.
Ён пракаментаваў інфармацыю аб катастрофе ў Калужскай вобласці (РФ) ударнага верталёта Мі-28, які выконваў планавы палёт.
Я звярнуў бы ўвагу ўсё ж не на тэхнічную праблематыку, а на памылку экіпажа. Таму што ў прынцыпе, калі мы гаворым пра колькасць пілотаў, якія ёсць у Расейскай Федэрацыі…Цяпер Расея актыўна спрабуе нарошчваць навучанне пілотаў, бо ёсць праблема, мы бачым, колькі пілотаў загінулі ў Расеі за час поўнамаштабнага ўварвання.
Таму я думаю, што далей мы будзем яшчэ часцей бачыць такія сітуацыі. І давайце ўспомнім той жа Ейск, калі Су-34 уляцеў у жылы будынак. Таму, на мае ацэнкі, хутчэй, тут памылка экіпажа, - сказаў эксперт.