Эксперт: Украіна ўзмоцніцца праз уласную ракетную праграму
- 26.07.2024, 15:48
- 3,554
![Эксперт: Украіна ўзмоцніцца праз уласную ракетную праграму](https://i.c97.org/p/articles/2015/ai-155484-aux-head-20150615_raketa_t.jpg)
"Паляванне" за ракетнымі пускавымі ўстаноўкамі РФ, у тым ліку і сістэмамі "Іскандэр", вядзецца ўвесь час.
На жаль, часам гэтыя комплексы знаходзяцца на адлегласцях, якія перавышаюць ракетныя магчымасці Украіны, а адных толькі дронаў для такіх удараў не дастаткова.
Тым не менш, айчынная ракетная праграма развіваецца і ўзмоцніць Украіну. Пра гэта FREEДOM сказаў кіраўнік украінскага Цэнтра ваенна-прававых даследаванняў Аляксандр Мусіенка, каментуючы ўдар РФ «Іскандэрамі» па Харкаве.
“Ёсць ужо пэўныя поспехі, у тым ліку і ў вучэбна-баявых, скажам так, запусках крылатых ракет “Нептун”, якія мадэрнізаваныя: яны ўжо з падвышанай далёкасцю, і ўжо не толькі супрацькарабельныя.
Я думаю, што гэта будзе развівацца, і не толькі ў кірунку ракет “Нептун”. Ёсць ужо досвед выкарыстання, ён паспяховы. Я думаю, што, у тым ліку, мы ўзмоцнімся, і праз нашу ракетную праграму… Як бы там ні было, але выклікі ў сістэме бяспекі, яны нікуды не падзенуцца. І мы павінны мець здольнасці і магчымасці сябе абараняць”, - каментуе экспэрт.
Разам з тым ён адзначыў, што Украіна па-ранейшаму мае вострую патрэбу ў заходніх сістэмах супрацьпаветранай абароны.
“За гэта ідзе дастаткова сур'ёзная барацьба на міжнароднай арэне. Гэтае пытанне ўвесь час узнімаецца, пра гэта кажа прэзідэнт, і не толькі ён, на ўсіх міжнародных форумах, дзе толькі прадстаўленая Украіна… Я спадзяюся, што варта чакаць пэўных паляпшэнняў пасля таго, як мы пачнём атрымліваць дадатковыя “Патрыёт”, якія, у прынцыпе, акурат і здольныя збіваць балістычную ракету, якой з'яўляецца і “Іскандэр”, - адзначыў Мусіенка.
Акрамя таго, ён падкрэсліў, што па-ранейшаму чакае скасавання абмежаванняў на ўдары заходняй зброяй углыб РФ. Бо першыя дазволы спынілі пастаянныя ўдары па Харкаве з установак С-300/С-400.