Пяскоў заявіў пра новую катастрофу ў Расеі
27- 26.07.2024, 15:29
- 22,850
![Пяскоў заявіў пра новую катастрофу ў Расеі](https://i.c97.org/ai/578853/aux-head-1704872718-20240110_piaskou_360.jpeg)
Расейцы могуць знікнуць?
У Расеі склалася катастрафічная сітуацыя з нараджальнасцю, заявіў у пятніцу прэс-сакратар Крамля Дзмітрый Пяскоў.
«Мы жывём у самай вялікай краіне свету. А нас кожны год становіцца менш», - сказаў Пяскоў, выступаючы ў пятніцу на Фестывалі новых медыя.
Справіцца з гэтым, паводле ягоных слоў, можна толькі павелічэннем сярэдняга каэфіцыента нараджальнасці. «Ён у нас зараз знаходзіцца на страшна нізкім узроўні - 1,4. Гэта параўнальна з еўрапейскімі краінамі, з Японіяй і гэтак далей. Але гэта катастрафічна для будучыні нацыі», - цытуе Пяскова «Коммерсантъ».
Святла ў канцы тунэля для Расеі не бачаць ні афіцыйныя, ні міжнародныя дэмографы. Згодна з базавым прагнозам Расстата, колькасць нараджэнняў дзяцей ужо ў гэтым годзе знізіцца да 1,171 млн, мінімальнага значэння больш чым за 200 гадоў, а затым ўпадзе яшчэ ніжэй – да 1,14 млн у 2027 годзе. Да 2046 года краіна страціць 12 700 000 чалавек у выніку натуральнага змяншэння, гэта значыць будзе выміраць з сярэдняй хуткасцю 500 тысяч чалавек на год, мяркуюць дэмографы.