У Століне скупшчык буякоў пакінуў тавар на ноч праветрывацца ў адкрытым аўто
8- 26.07.2024, 15:27
- 20,032
![У Століне скупшчык буякоў пакінуў тавар на ноч праветрывацца ў адкрытым аўто](https://i.c97.org/ai/540622/aux-head-1679223522-20230319_golubika_360.jpg)
Раніцай яго чакаў сюрпрыз.
У Століне ў скупшчыка буякоў зніклі дзясяткі скрынь з ягадамі. Высветлілася, што за знікненнем стаіць 16-гадовы вясковец, распавялі ва УУС Берасцейскага аблвыканкама.
Ягадны крадзеж адбыўся ў пачатку ліпеня 2024 года ў Столінскім раёне. У міліцыю звярнуўся 45-гадовы жыхар аднаго з аграгарадкоў раёна, які расказаў, што нехта выкраў пакінутыя ў аўтамабілі буякі на суму больш за 1 800 рублёў.
Мужчына скупляў ягады на адным з рынкаў, але не поўнасцю загрузіў аўто і надумаў пакінуць аўто на месцы, а сам пайшоў адпачываць. Дзверы пакінуў прыадчынены для праветрывання тавару. Раніцай знайшоў прапажу.
Міліцыя знайшла падазраванага, ім быў 16-гадовы аднавясковец скупшчыка. Хлопец распавёў, што звярнуў увагу на не зачыненыя дзверы, калі шпацыраваў па горадзе. Ён пракраўся на рынак і ўбачыў у машыне буякі.
«Вынес за ноч 44 скрыні з буякамі зламыснік схаваў іх за рынкам, на полі, у непрыкметным месцы. Перанёсшы буякі з аўто, фігурант планаваў із збыць, аднак аператыўна быў затрыманы праваахоўнікамі. Выкрадзенае было канфіскаванае», - распавялі ва УУС.
Распачатая крымінальная справа паводле ч. 1 арт. 205 КК, санкцыя артыкула прадугледжвае да трох гадоў пазбаўлення свабоды.