«Няхай муж гатуе і прыносіць»
23- 26.07.2024, 14:33
- 13,864
![«Няхай муж гатуе і прыносіць»](https://i.c97.org/ai/264846/aux-head-1507048202-obiedy_bolnica_360.jpeg)
Беларуска выклала ў TikTok відэа пра шпітальную ежу — пасля гэтага яе выпісалі.
Жанчына ляжала ў Берасцейскай абласной лякарні, у отарыналарынгалагічным аддзяленні. Першае відэа было апублікаванае 22 ліпеня, яно набрала больш за 30 тысяч праглядаў і тры сотні каментароў, піша «Зеркало». У роліку жанчына незадаволеная выглядам і складам страў, задаецца пытаннямі "як гэта есць?" і "дзе мяса?".
Са слоў пацыенткі, ёй не налілі "нават цэлы кубак гарбаты", а скумбрыю давалі кожны дзень. Пра рыбу казала, што тая "горкая і смярдзючая" і выглядае "як з памыйніцы". Адзін выдадзены яблык трэба было дзяліць на двух чалавек.
@luba1990bk.ru #бесплатноелечение #брест #облостнаябольница #брестскаяобласть #лор #отделение #ужас #хочуврек #еда #лучше #не #поподать #приколы #хочуврек #😉😉 #👌 #😀😀😀 ♬ yusia - YUSIA
"Ежа агідная, есці немагчыма, у аддзяленнях усе людзі скардзяцца", — адзначала жанчына.
Аўтарка відэа ў каментарах напісала, што ўжо ляжала ў шпіталі ў 2016-м і тады “ўсё было ок, але зараз проста жах”.
Адны з папулярных каментароў пад відэа з ежай такія:
“А вы туды жэрці пайшлі. Замоўце ў рэстарацыі”.
"Няхай муж гатуе і прыносіць у шпіталь, калі такая ежа не задавальняе".
“Людзі міленькія, вы пра што, калі хварэеш, гэта супер, а не ежа, я пасля рэанімацыі пах чула, так есці хацелася пасля тыднёвага голаду, значыць, вы здаровыя і дзякуй богу, дома аб'ядацца будзеце”
.
Іншыя карыстальнікі пярэчаць, што дзяржаўная медыцына аплачваецца з іх падаткаў, таму яны "мае права чакаць добрага стаўлення да сябе" ў бальніцах.
Наступнае відэа з'явілася праз два дні, у яго ўжо больш за 50 тысяч праглядаў і таксама сотні каментароў. Жанчына паведаміла, што лекар на прыёме папракнула яе за зняты пра шпітальную ежу ролік, а ў каментарах дадала, што пасля гэтага яе выпісалі.
“Ляжыце і бойцеся зняць відэа аб харчаванні ў бальніцы. А то вас выпішуць, - распавяла яна ў відэа. - Сёння на аглядзе лекар сказала - як так можна было зрабіць, вас і так бясплатна лечаць. <…> Кухары атрымліваюць па 500 рублёў, што вы хочаце”.
Са слоў жанчыны, “лекары супер, але як толькі відэа патрапіла ў ціток - адразу выпісалі”.
Сярод упадабаных каментароў ізноў быў негатыў, але не толькі:
“А якая ў шпіталі павінна быць ежа? Піца з колай?
"Мы плацім падаткі, у сэнсе бясплатна?"
“Кулінарны шэдэўр абласны - вараная скумбрыя з брудная ўнутры. Прычым праз дзень. І бульба адварная. Не магу зразумець, як звычайную вараную бульбу можна так сапсаваць, што немагчыма есці”.
@luba1990bk.ru #бесплатноелечение #брест #облостнаябольница #брестскаяобласть #лор #отделение #ужас #хочуврек #еда #лучше #не #поподать #приколы #хочуврек #😉😉 #👌 #😀😀😀 ♬ yusia - YUSIA