Лукашысты выставілі на таргі маёмасць Эдуарда Бабарыкі
12- 26.07.2024, 14:21
- 13,320
![Лукашысты выставілі на таргі маёмасць Эдуарда Бабарыкі](https://i.c97.org/ai/548999/aux-head-1684752531-20230522_eduard_babariko_360.jpg)
Таргі прызначылі на канец жніўня.
На электронныя таргі пляцоўкі «Белюрзабеспечэнне» выставілі матацыкл Suzuki і легкавік Mercedes-Benz, якія належаць палітвязню Эдуарду Бабарыку — сыну Віктара Бабарыка. Таргі прызначылі на канец жніўня, адзначае «Зеркало».
![](https://i.c97.org/ai/604343/aux-1721992739-dsobig51wi4twen3tejw515o7b935s0r.jpg)
Выстаўлены на гандаль матацыкл Suzuki VX 800 бардовага колеру, ён быў выпушчаны ў 1992 годзе. Яго рэгістрацыйны нумар 7939 АВ-7. На кузаве ёсць сколы і драпіны.
Таргі павінны прайсці 21 жніўня, прадаваць матацыкл пачнуць з 5 100 рублёў.
![](https://i.c97.org/ai/604343/aux-1721992739-nh6r0f4199u86bimaqzvn15u6i63d7lo.jpg)
Таксама з малатка пускаюць універсал Mercedes-Benz GLC 300 блакітнага колеру. Аўто было выпушчана ў 2019 годзе. Рэгістрацыйны нумар аўтамабіля 0055 КР-7.
На лабавым шкле машыны ёсць расколіна. Аўкцыён таксама прызначаны на 21 жніўня, ён пачнецца са 118 000 рублёў.
![](https://i.c97.org/ai/604343/aux-1721992739-n6yiqz3l08f4sxc8a35xlwdxxfglvlwa.jpg)
Пра абодва транспартныя сродкі сказана, што пры інструментальным кантролі, дыягностыцы і разборцы магчыма выяўленне схаваных дэфектаў.
Завінавачаным значыцца Эдуард Віктаравіч Бабарыка. Маёмасць (аўтамабіль і матацыкл) была арыштаваная следчымі органамі, управай ДФР Камітэта дзяржкантролю. Накладзены арышт і забарона ўчынення рэгістрацыйных дзеянняў судовым выканаўцам.