ФСБ затрымала былога намесніка міністра абароны РФ
20- 26.07.2024, 14:07
- 26,390
![ФСБ затрымала былога намесніка міністра абароны РФ](https://i.c97.org/ai/517086/aux-head-1664014340-20220924_d_bulgakov_360.jpg)
Генерала войска адправілі ў следчы ізалятар.
Былы намеснік міністра абароны РФ Дзмітрый Булгакаў затрыманы. Пра гэта паведаміла расейская ФСБ.
Булгакаў затрыманы "паводле карупцыйнай справы", удакладніла спецслужба. Генерала войска адправілі ў следчы ізалятар.
Дзмітрый Булгакаў займаў пасаду намесніка міністра абароны РФ у 2008-2022 гадах. З 2010 года ў сферы яго адказнасці было матэрыяльна-тэхнічнае забеспячэнне Узброеных сіл, кіраваў работай у забеспячэнні войскаў узбраеннем, вайсковай тэхнікай.
Акрамя таго, Булгакаў адказваў за вайсковыя перавозкі, стан і рэканструкцыю аўтамабільных дарог і чыгунак, якія знаходзяцца ў карыстанні Мінабароны, эксплуатацыю будынкаў вайсковых частак і арганізацыю войска, ветэрынарны і фітасанітарны нагляд, мерапрыемствы пажарнай аховы і экалагічнай бяспекі.
Пуцін адправіў яго ў адстаўку ў верасні 2022 году. У міністэрстве тады заявілі, што Булгакаў пераходзіць на іншую працу, але не ўдакладнілі, на якую менавіта. Адстаўка Булгакава адбылася 24 верасня, праз тры дні пасля пачатку "частковай мабілізацыі".