«Унікальны экіпаж»: стала вядома, хто разбіўся ў расейскім Мі-28
8- 26.07.2024, 12:05
- 13,684
![«Унікальны экіпаж»: стала вядома, хто разбіўся ў расейскім Мі-28](https://i.c97.org/ai/461729/aux-head-1648820550-20220401_mi_360.jpg)
Камандзір быў прадстаўлены да ўзнагароды "Герой Расеі", але так яе і не атрымаў.
У Калужскай вобласці РФ 25 ліпеня ўпаў вайсковы гелікаптэр Мі-28, які вяртаўся з баявога задання на мяжы з Украінай. У Расеі яго называюць адным з самых дзейсных. Пра гэта паведаміў палкоўнік УСУ і блогер Анатоль Штэфан «Шцірліц» са спасылкай на расейскія Z-паблікі.
Акупанты называюць гэты экіпаж «унікальным», зрэшты, прозвішчы загінулых хаваюць.
![](https://i.c97.org/ai/604318/aux-1721984677-1.jpg)
У выніку авіякатастрофы загінулі:
![](https://i.c97.org/ai/604318/aux-1721984677-2.jpg)
Камандзір - старшы лейтэнант, кавалер Ордэна Мужнасці, камандаваў нібыта самым дзейсным гелікаптэрам ВКС Расеі ў баях супраць расейскіх добраахвотнікаў РДК.
Штурман - малады лейтэнант.
![](https://i.c97.org/ai/604318/aux-1721984677-3.jpg)
Загінулыя нібыта за 72 гадзіны знішчылі больш за 20 танкаў, ББМ і ЗРК Сіл абароны, "лёталі ў самае пекла", а камандзір быў прадстаўлены да ўзнагароды "Герой Расеі", але так яе і не атрымаў, не паспеў.