Эканамічны рост у ЗША паскорыўся ў другім квартале
6- 25.07.2024, 20:01
- 1,782
![Эканамічны рост у ЗША паскорыўся ў другім квартале](https://i.c97.org/ai/285929/aux-head-1523355028-aux-head-1507920563-usa_360.jpg)
ВУП ЗША расце дзякуючы павелічэнню спажывецкіх выдаткаў і інвестыцый у бізнэс.
Эканоміка ЗША вырасла на 2,8% у другім квартале пасля росту ў 1,5% у першым квартале 2024 года. Пра гэта паведамляе агенцтва Reuters са спасылкай на звесткі Бюро эканамічнага аналізу Міністэрства гандлю ЗША.
Дынаміка ВУП усё яшчэ адстае ад паказчыка другога квартала 2023 года, калі быў зафіксаваны рост у 4,2%.
Рост забяспечыла павелічэнне спажывецкіх выдаткаў і інвестыцый у бізнэс пры сярэдняй інфляцыі.
Амерыканцы павялічылі выдаткі на ахову здароўя, жыллё і камунальныя паслугі, адпачынак і на шэраг тавараў: аўтамабілі, мэблю і бытавую тэхніку працяглага карыстання, энерганосьбіты.
Таксама імпульсам росту стала павелічэнне дзяржаўных выдаткаў.
Стрымліваюць амерыканскую эканоміку запаволенне на рынку жылля і павелічэнне гандлёвага дэфіцыту.
«Эканамічны рост устойлівы, не надта гарачы і не надта халодны. Інфляцыя, падобна, пойдзе па шляху ФРС, і паслабленне грашова-крэдытнага стрымлівання са зніжэннем працэнтнай стаўкі, магчыма, адбудзецца ў верасні», – пракаментаваў агенцтву Крыстафер Рапкі, галоўны эканаміст Fwdbonds, даследчай кампаніі, якая публікуе справаздачы аб сусветнай эканоміцы і рынках.