Бухгалтарка ў Магілёўскай вобласці выпісвала сабе «надбаўкі» да заробку
4- 25.07.2024, 18:58
- 3,850
![Бухгалтарка ў Магілёўскай вобласці выпісвала сабе «надбаўкі» да заробку](https://i.c97.org/ai/463926/aux-head-1650264775-20220418_buhgalter_360.jpg)
Сабрала 37 тысяч і «крыміналку».
У Магілёўскай вобласці галоўная бухгалтарка аграрнага прадпрыемства выпісвала сабе «надбаўкі» да заробку. Яе дзеянні заставаліся незаўважанымі тры гады - за гэты час «прэмій» сабралася на 37 000 рублёў, распавялі ў пракуратуры.
Згодна з матэрыяламі справы, абвінавачаная працавала тры гады на адным прадпрыемстве і паўгода на іншым і за гэты час складала і накіроўвала ў банк заведама несапраўдныя электронныя аплатныя дакументы аб налічэнні сабе заробку і іншых выплат. У іх яна ўказвала сумы на залічэнне, якія моцна перавышалі сумы належных ёй. Потым з дапамогай даручанага ёй ключа электроннага лічбавага подпісу бухгалтарка падпісвала такія дакументы і перадавала іх у банк для выканання. Паводле гэтай схемы жанчына незаконна завалодала грашыма прадпрыемства на суму, большую за 37 тысяч рублёў.
Падчас папярэдняга следства жанчына кампенсавала шкоду на 11 тысяч рублёў.
У пракуратуры кваліфікавалі дзеянні бухгалтаркі паводле часткі 3 артыкула 210 КК Беларусі. Ужытую раней меру стрымання ў выглядзе асабістага паручальніцтва пракурор пакінуў без змены.