Bild: УСУ рыхтуюцца да новага павароту на полі бою

Названая дата пераходу да контратакі.

Расейскае войска рыхтуе наступ на Гуляйпалі Запарожскай вобласці. У той жа час украінцы могуць контратакаваць восенню.

Пра гэта піша Bild са спасылкай на крыніцы. Як распавёў выданню ветэран УСУ, які падтрымлівае кантакт з байцамі на перадавой, зараз УС РФ канцэнтруюцца паблізу акупаванага горада Палогі, каб наступаць адтуль на Гуляйполе.

«Расейцы зараз рыхтуюць наступ у Запарожскай вобласці і перакідваюць войскі ў Палогі для ўдару ў кірунку Гуляйпаля. Гуляйполе з'яўляецца важным стратэгічным і лагістычным пунктам для ўкраінцаў. Калі расейцы возьмуць яго, Украіна апынецца пад масаваным ціскам у Запарожскай вобласці», - сказаў ветэран.

Іншая крыніца ў вайсковых колах Захаду паведаміла, што незадоўга да саміту NАТО ў Вашынгтоне саюзнікаў альянсу праінфармавалі з Кіева аб украінскім плане мабілізацыі, які можа прывесці да "лакальных контратак пачынаючы з восені".

Са звестак Bild, ужо зараз для гэтага ва УСУ фармуюцца новыя брыгады, праводзіцца ратацыя пацярпелых частак і кампенсуюцца страты.

На Захадзе мяркуюць, што вайсковыя сілы РФ могуць надарвацца на працягу найбліжэйшых месяцаў, што можа прывесці да новага павароту на полі бою. Пры гэтым крыніца ў Кіеве паведаміла, што цяпер "вярбоўка ідзе павольна".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]