Берасцеец памёр за вячэрай, падавіўшыся галубцом
16- 20.07.2024, 17:34
- 12,634
![Берасцеец памёр за вячэрай, падавіўшыся галубцом](https://i.c97.org/ai/573576/aux-head-1701332918-20231129_halubcy_360.jpeg)
Яму было 60 год.
У міліцыю паступіла паведамленне аб выяўленні ў прыватным доме 60-гадовага гаспадара без прыкмет жыцця. Працаўнікі хуткай дапамогі канстатавалі смерць мужчыны. Для ўстанаўлення прычыны смерці была прызначаная судова-медыцынская экспертыза. Падчас яе правядзення ў прасвеце дыхальных шляхоў памерлага знойдзены буйны ліст капусты.
Згодна з высновамі эксперта смерць мужчыны наступіла ад механічнай асфіксіі, пры гэтым канцэнтрацыя этылавага спірту ў крыві мужчыны склала 4,4 праміле.
- У экспэртнай практыцы сустракаюцца выпадкі, калі смерць надыходзіць ад закрыцця прасвету дыхальных шляхоў кавалкамі ежы, часцей за ўсё мяса. Як правіла, пераважная большасць памерлых ад механічнай асфіксіі з прычыны траплення іншароднага цела ў дыхальныя шляхі знаходзілася ў стане алкагольнага ап'янення. Пры ўжыванні спіртнога ў вялікіх колькасцях павышаецца рызыка гэтага тыпу асфіксіі, бо парушаецца каардынацыя жавальнага і глытальнага акту, – распавялі экспэрты.
Паводле гэтага факту праводзіцца праверка.