«Рэал» падоўжыў кантракт з 38-гадовым Модрычам
- 17.07.2024, 20:10
- 1,974
![«Рэал» падоўжыў кантракт з 38-гадовым Модрычам](https://i.c97.org/ai/300403/aux-head-1533537163-201808006_modrich_t.jpg)
Харвацкі футбаліст за 12 сезонаў у мадрыдскай камандзе здабыў рэкордныя 26 трафеяў.
Капітан «Рэала» Лука Модрыч падоўжыў кантракт да лета 2025 года, паведаміла прэс-служба мадрыдскага клуба.
Модрычу 38 гадоў, ён гуляе за «Рэал» з 2012 года, правёў 534 матчы і забіў 39 галоў.
На рахунку харвата 26 тытулаў у складзе «Рэала» (у тым ліку шэсць перамог у Лізе чэмпіёнаў) — ён дзеліць рэкорд у колькасці трафеяў з Начо Фернандэсам, які пайшоў з каманды.
Модрыч на Еўра-2024 стаў самым узроставым аўтарам гола. Ён заявіў, што пакуль не збіраецца заканчваць кар'еру.
«Рэал» у мінулым сезоне перамог у Лізе чэмпіёнаў, чэмпіянаце і Суперкубку Гішпаніі.