У 14 недаўкамплектаваных брыгадаў УСУ пачала паступаць зброя
4- 15.07.2024, 20:45
- 14,810
![У 14 недаўкамплектаваных брыгадаў УСУ пачала паступаць зброя](https://i.c97.org/ai/602979/aux-head-1721065550-20230425_Vsu_zavet_120.jpg)
Пра гэта паведаміў Зяленскі.
У 14 недаўкамплектаваных брыгадаў УСУ пачала паступаць заходняя зброя.
Пра гэта прэзідэнт Украіны Уладзімір Зяленскі заявіў падчас прэс-канферэнцыі, паведамляе «Укрінфарм».
«Нешта пачало паступаць – гэта пазітыў. Сярод іншага, артылерыя і да таго падобнае. Але да станоўчага выніку яшчэ далёка», – сказаў Зяленскі.
Прэзідэнт Украіны растлумачыў, што 14 брыгадаў, пра якія ён раней гаварыў як пра недаўкамплектаваныя, былі створаныя як рэзерв. «Скажу шчыра, яны ствараліся як рэзерв, але рэзерв, каб ён быў працоўным, баявым, трэба, каб ён не толькі быў са зброяй, але і трэніраваўся са зброяй, з якой потым будзе ваяваць», – падкрэсліў прэзідэнт Украіны.
Адказваючы на пытанне, ці не плануецца выкарыстоўваць гэтыя брыгады ў новым контрнаступе, Зяленскі адказаў, што рэзерв неабходны перш за ўсё для таго, каб праводзіць ратацыі.