Італьянка Пааліні перасягнула Сабаленку ў ганарарах у сезоне-2024

На якім месцы беларуская тэнісістка?

Хутка праміне месяц, як галоўная тэнісістка Беларусі бавіць час без спаборніцкага практыкуму.

Апошні матч яна правяла 20 чэрвеня, калі ў другім коле турніру WTA-1000 у Берліне (Нямеччына) саступіла расейцы Дар'і Касаткінай. Паводле вынікаў «Уімблдона», які закончыўся ў нядзелю, Сабаленка нават рызыкавала страціць званне трэцяй ракеткі свету, аднак Алена Рыбакіна не выканала абавязковай для гэтага ўмовы – не ўзяла галоўны трафей.

Гэты трафей не дастаўся і італьянцы Ясмін Пааліні, якая пацярпела паразу ў фінале другога запар спаборніцтва з серыі «Вялікага шлема». Тым не менш падобная стабільнасць ладна папоўніла кішэню ўдзельніцы з Апенінаў.

Пасля «Уімблдона» Пааліні ўзнялася на другі радок у спісе самых багатых тэнісістак у сезоне-2024. З улікам чэка за фінал на кортах Усеанглійскага клуба лаўн-тэнісу яна ў каляндарным годзе папоўніла рахунак на $4 274 510. Больш зарабіла толькі лідарка рэйтынгу Іга Свёнтэк – $6 826 749.

Такім чынам, з другой пазіцыі ссунулі менавіта Сабаленку. Яна ў сезоне-2024 узбагацілася на $3 736 491.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]