Зяленскі пракаментаваў магчымую адстаўку Шмыгаля
8- 15.07.2024, 18:09
- 8,134
![Зяленскі пракаментаваў магчымую адстаўку Шмыгаля](https://i.c97.org/ai/602963/aux-head-1721056185-20240101_skriin_360.jpg)
Раней з'явілася інфармацыя, што прэзідэнт Украіны «стаміўся» ад прэм'ера.
Прэзідэнт Украіны Уладзімір Зяленскі проста не адказаў на пытанне аб тым, ці можа прэм'ер-міністр Дзяніс Шмыгаль найбліжэйшым часам страціць пасаду, паведамляе «Новое время».
Падчас прэс-канферэнцыі ў панядзелак, 15 ліпеня, Зяленскаму задалі пытанне, ці магчымыя кадравыя перастаноўкі ва ўрадзе найбліжэйшым часам. Прэзідэнт адказаў, што, калі змены ва ўрадзе будуць, журналісты пра іх даведаюцца, а таксама сказаў, што «мы займаемся гэтым працэсам» і што перастаноўкі ў Кабінеце міністраў магчымыя.
З яго слоў, з некаторымі міністрамі зараз абмяркоўваюць тыя ці іншыя змены.
«Шмыгаль - адзін з важных людзей у нашым урадзе, ён прэм'ер-міністр. Вядома, я з ім таксама абмяркоўваю некаторыя рэчы», - дадаў Зяленскі.
3 ліпеня «Украінская праўда» са спасылкай на крыніцы напісала, што прэзідэнт Украіны Уладзімір Зяленскі нібыта «стаміўся» ад прэм'ер-міністра Дзяніса Шмыгаля і, магчыма, плануе звольніць яго.