Аргентына пабіла рэкорд у колькасці тытулаў на Copa America
- 15.07.2024, 12:27
- 2,618
![Аргентына пабіла рэкорд у колькасці тытулаў на Copa America](https://i.c97.org/ai/527639/aux-head-1670623101-20221209_nob_360.jpg)
У фінале аргентынскія футбалісты перамаглі калумбійцаў.
Футбалісты каманды Аргентыны перамаглі каманду Калумбіі ў Маямі і другі раз запар заваявалі Кубак Амерыкі.
Матч пачаўся амаль з паўтарагадзіннай затрымкай праз цісканіну на стадыёне.
Пераможны мяч забіў форвард «Інтэра» Лаўтара Марцінэс, які стаў найлепшым бамбардзірам Copa America-2024 з 5 галамі.
Аргентына ўстанавіла рэкорд у колькасці тытулаў на Кубках Амерыкі (16), абышоўшы Уругвай (15). Калумбія другі раз спынілася за крок ад чэмпіёнства.
Самым каштоўным гульцом Кубка Амерыкі-2024 прызнаны паўабаронца каманды Калумбіі Хамес Радрыгес.