Кампаніям з беларускімі ўласнікамі забароняць перавозку грузаў па ЕЗ

Не ўсім, але шмат каму.

З 2 жніўня 2024 года створаным беларусамі ў Еўразвязе транспартным кампаніям забароняць перавозкі па тэрыторыі еўрапейскіх краін, піша officelife.media. Праўда, не ўсім, але шмат каму, папярэдзілі ў мытні Літвы.

У паведамленні ведамства гаворыцца, што пад забарону трапляе дзейнасць еўрапейскіх аўтатранспартных кампаній, якія былі створаны беларускімі фізічнымі асобамі ці юрыдычнымі асобамі пасля 8 красавіка 2022 года.

Размова ідзе аб бізнэсах, дзе беларускім уласнікам належыць 25 адсоткаў і больш у капітале. Прычым забарона на перавозкі будзе тычыцца як прамых рэйсаў, так і транзіту.

Раней у ЕЗ забаранілі перавозкі грузаў на беларускіх прычэпах і паўпрычэпах, нават калі іх вязе еўрапейскі цягач.

У Польшчы таксама анансавалі, што правядуць праверкі ўсіх перавозчыкаў з беларускім капіталам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]