Пад расейскім Варонежам сышоў з рэек грузавы цягнік
6- 15.07.2024, 9:24
- 4,730
![Пад расейскім Варонежам сышоў з рэек грузавы цягнік](https://i.c97.org/ai/456502/aux-head-1645901645-20220226_zelezka_360.jpg)
У РФ заявілі аб «украінскіх дыверсантах».
Грузавы цягнік сышоў з рэек на станцыі Ліскі ў Варонежскай вобласці, паведамляецца ў Telegam-канале Паўднёва-Усходняй чыгункі ў нядзелю, 14 ліпеня. Для каардынацыі ліквідацыі наступстваў здарэння на паўднёва-ўсходняй чыгунцы быў створаны аператыўны штаб.
Між тым Telegam-канал Baza удакладняе, што гаворка ідзе аб цягніку з 69 вагонамі, які рухаўся ў Батайск. З рэек сышлі дзевяць вагонаў са збожжам, гаворыцца ў пасце. Паводле інфармацыі журналістаў, інцыдэнт адбыўся з тэхнічнай прычыны - не спрацаваў стрэлачны перавод.
Аднак расейскія Telegram-каналы вылучаюць версію аб "ўкраінскіх дыверсантах".