Амаль пяць сотняў населеных пунктаў у Беларусі заставаліся без святла
- 13.07.2024, 21:12
- 4,446
![Амаль пяць сотняў населеных пунктаў у Беларусі заставаліся без святла](https://i.c97.org/p/articles/2015/ai-154761-aux-head-20150608_elctro_360.jpg)
Праз ураган.
Паводле інфармацыі Мінэнэрга, на працягу дня электразабеспячэнне парушалася ў 452 гарадах і сёлах.
Прычынай адключэння электрычнасці стала моцная спякота і навальніцы. У асобных раёнах прайшлі залевы з парывістым ветрам, які прывёў да падзення дрэў і галінак на лініі электраперадач, пашкодзіў апоры.
Адзначаецца, што найбольш ад непагадзі пацярпелі Гарадзенская і Менская вобласці.
Паводле звестак на 19.00, аднаўленчыя працы выконваюцца ў 301 населеным пункце.
Ва ўхіленні наступстваў непагадзі задзейнічана 65 аварыйных брыгад і 63 адзінкі тэхнікі. Энергазабеспячальныя арганізацыі пераведзены на ўзмоцнены рэжым работы.