Ураган разнёс кемпінг на Вілейцы
3- 13.07.2024, 20:35
- 15,522
![Ураган разнёс кемпінг на Вілейцы](https://i.c97.org/ai/602736/aux-head-1720892070-20240710_vilejka_360.png)
Турыстка паведаміла, што адзін чалавек памёр у рэанімацыі.
Удзень 13 ліпеня моцны вецер часткова разбурыў кемпінг «Клёвае месца» у Вілейскім раёне. У выніку загінуў чалавек, паведаміў «Смартпрэс» са спасылкай на відавочцу.
Кемпінг «Клёвае месца» знаходзіцца на беразе Вілейскага вадасховішча. Тэрыторыя базы адпачынку на Вілейцы складае больш за 13 га, даўжыня берагавой лініі 2 км. Як піша выданне, ураган там пачаўся каля 15.00.
![](https://i.c97.org/ai/602736/aux-1720892080-photo_2024_07_13_18_16_55-90.jpg)
![](https://i.c97.org/ai/602736/aux-1720892080-photo_2024_07_13_18_16_53-90.jpg)
«Паваліла дрэвы, усё затапіла, альтанкі паламала. Гэта было нечакана. Рэзка ўсё счарнела. Мы проста ў шоку. Я не ведаю, што менавіта адбылося з гэтым чалавекам, ён знаходзіўся ў некалькіх альтанках ад нас. Прыехала хуткая, забрала, ён памёр у рэанімацыі», – распавяла турыстка Таццяна.
З ейных слоў, яна пакуль не можа выбрацца з кэмпінгу, бо ўсё завалена.
Нагадаем, у суботу, 13 ліпеня, у Беларусі назіраюцца залевы і моцны вецер. Паводле звестак Белгідрамета, навальніцы ў паўночных і цэнтральных раёнах краіны павінны працягнуцца прыкладна да 21.00. У прагнозе былі моцныя залевы, град і шквалістае ўзмацненне ветру парывамі 15-20 м/с, у асобных раёнах 21-24 м/с.
![](https://i.c97.org/ai/602736/aux-1720892080-photo_2024_07_13_18_16_51-90.jpg)
![](https://i.c97.org/ai/602736/aux-1720892080-photo_2024_07_13_18_17_01-90.jpg)