У Бабруйску Skoda выехала насустрач і ўрэзалася ў фуру
- 13.07.2024, 17:21
- 3,570
![У Бабруйску Skoda выехала насустрач і ўрэзалася ў фуру](https://i.c97.org/ai/602718/aux-head-1720880461-20240713_dtz_360.png)
Заснуў за стырном?
Кіроўца легкавушкі пацярпеў падчас сутыкнення з фурай у Бабруйску. Момант аварыі патрапіў у аб'ектыў відэарэгістратара.
У абласной міліцыі расказалі, што здарэнне адбылося 13 ліпеня а 06.55. Паведамляецца, што 37-гадовы кіроўца Skoda пры ўездзе ў горад па вуліцы Рагачоўскай вылецеў на паласу сустрэчнага руху, дзе здзейсніў сутыкненне з аўтацягніком МАN.
У выніку ДТЗ кіроўца легкавушкі атрымаў траўмы рознай ступені цяжкасці і быў шпіталізаваны.
Паводле папярэдніх звестак, кіроўцу Skoda стала дрэнна ці ён заснуў падчас руху, паведамляе «Вячэрні Бабруйск».
Выданне адзначае, што ў салоне легкавога аўто знаходзілася дзіцячае аўтакрэсла, але дзіця ў машыне не было: кіроўца ехаў адзін.