Па Магілёўскай вобласці пранёсся ўраган
3- 13.07.2024, 15:58
- 9,286
![Па Магілёўскай вобласці пранёсся ўраган](https://i.c97.org/ai/601192/aux-head-1719897620-20240326_foto2_360.jpg)
Відэа.
У пятніцу стыхія прайшлася па Мсціслаўскім раёне. Мужчына прыехаў у госці да бацькоў у вёску Парадзіна і ўбачыў жудасную карціну: магутны вецер знёс дрэвы, на слупах абарваныя правады, у дамах няма святла, паведамляе «Анлайнер».
– Увесь гэты жах пачаўся раптоўна. І ніхто нават не мог падумаць, што такое можа здарыцца. Доўжылася ўсё блізу паўгадзіны, – кажа Ігар. – У суседнім доме сарвала шыфер. Суседзі расказваюць, што ў найбліжэйшай вёсцы нават дахі знесла. Дрэвы ляжалі па ўсёй вёсцы, а ў некаторых месцах упалі слупы. Прапала святло.
Паводле словаў суразмоўцы, супрацоўнікі МНС прыехалі аператыўна і адразу пачалі працаваць.
![](https://i.c97.org/ai/602709/aux-1720874708-1.jpg)
![](https://i.c97.org/ai/602709/aux-1720874708-2.jpg)
Наступствы стыхіі ў Мсціслаўскім раёне. Скрыншот відэа відавочцы
– У выніку блізу восьмай вечару ўсё расчысцілі. Цяпер у вёсцы працуе брыгада электрыкаў. Працы трэба шмат. Спадзяюся, сёння ўсё зробяць і дадуць святло. Пацярпелых, дзякуй Богу, няма, – расказаў мужчына.