У гонар байца палка Каліноўскага назвалі вуліцу ва ўкраінскім Канатопе
6- 13.07.2024, 15:23
- 3,186
![У гонар байца палка Каліноўскага назвалі вуліцу ва ўкраінскім Канатопе](https://i.c97.org/ai/469513/aux-head-1653551507-20220526_pagonya_360.jpg)
Іван «Брэст» Марчук загінуў два гады таму ў баях пад Лісічанскам.
У гонар загінулага байца палка Каліноўскага Івана Марчука «Брэста» названая вуліца ў Канатопе Сумскай вобласці, паведамляе полк Каліноўскага ў сваім тэлеграм-канале.
Іван «Брэст» Марчук загінуў два гады таму, 26 чэрвеня 2022 года, пад Лісічанскам.
Тады батальён «Волат» палка Каліноўскага ўдзельнічаў у баях пад Лісічанскам. Там група беларусаў сутыкнулася з калонай расейскіх войскаў і дала бой.
Апошнім паведамленнем загінулага Івана Марчука было: «На нас едзе танк. Адпрацаваў па ім».