«Пачынаем спачатку, Міша»: Z-прапагандысты засумавалі, пералічваючы паразы РФ
12- 13.07.2024, 15:07
- 16,004
![«Пачынаем спачатку, Міша»: Z-прапагандысты засумавалі, пералічваючы паразы РФ](https://i.c97.org/ai/516001/aux-head-1663348793-20220701_czelnoki_360.jpg)
Вайна не задалася.
У эфіры расейскай дзяржаўнай радыёстанцыі «Камсамольская праўда» адкрыта загаварылі пра крах так званай «СВА».
Вядоўцы Міхаіл Цімашэнка і Віктар Баранец канстатавалі, што расейскае войска аказалася занадта слабым для акупацыі Украіны, паведамляе dialog.ua.
Глядач датэлефанаваўся ў студыю і папрасіў агучыць, якія праблемы ў расейскім войску выявіла так званая «СВА». Прапагандысты з сумам былі змушаныя прызнаць, што такіх вельмі шмат.
«Пачынаем спачатку, Міша! Пальцы загінаю: з беспілотнікамі праваліліся, з сувяззю праваліліся, з контрбатарэйнай барацьбой праваліліся. З абмундзіраваннем праваліліся, (...) яны (салдаты УС РФ – рэд.) увогуле там за свой кошт апранаюцца. З транспартам, я б сказаў, таксама праваліліся. Яшчэ з вайсковай выведкай праваліліся – выкінулі дэсант на не падрыхтаваную ў Гастомелі пляцоўку, іх паклалі. І таксама, калі нашы калоны рухаліся ў кірунку Харкава і гэтак далей. Таксама праваліліся! Яны статут не чыталі – паходнай аховы няма, галаўнога няма. І, вядома, праваліліся ў тым, што гаварылі, што нас будуць сустракаць з кветкамі, музыкай, песнямі і скокамі сустракаць. Паспадзяваліся на гэта», – заявілі расейскія Z-прапагандысты.