Момант крушэння «Суперджэта-100» у Падмаскоўі паказалі на відэа
8- 13.07.2024, 14:50
- 12,948
![Момант крушэння «Суперджэта-100» у Падмаскоўі паказалі на відэа](https://i.c97.org/ai/323964/aux-head-1550475129-20190218_suhoj_t.jpg)
На 40-секундным запісе выразна заўважны самалёт.
У сеціве апублікавалі відэа моманту крушэння пад Масквой у раёне пасёлка Вялікае Карасёва лайнера SSJ-100 («Сухі Суперджэт-100»).
На 40-секундным запісе выразна заўважны самалёт, які падае, потым адбываецца маштабны выбух. У выніку загінулі ўсе чальцы экіпажу.
13 ліпеня стала вядома, што на месцы крушэння знайшлі чорныя скрыні. РасСМІ сцвярджаюць, што на самалёце быў «французскі рухавік SaM 146». Лайнер быў выпушчаны ў 2014 годзе на заводзе «Цывільныя самалёты Сухога».