Wildberries дазволіў беларусам скасоўваць любыя замовы
4- 13.07.2024, 12:29
- 9,518
![Wildberries дазволіў беларусам скасоўваць любыя замовы](https://i.c97.org/ai/556574/aux-head-1689849298-20230720_wildberries_360.jpeg)
Але ёсць нюансы.
Папулярны маркетплейс Wildberries дазволіў сваім кліентам скасоўваць любыя замовы, у тым ліку ўжо аплачаныя. Раней такая опцыя была даступная толькі для тых заказаў, якія пакупнік планаваў аплаціць пры атрыманні.
Журналісты telegraf.news даведаліся, як хутка трэба паспець націснуць на кнопку, каб скасаваць замову, і што рабіць, калі не ўклаўся ў часавыя рамкі.
Як растлумачылі ў прэс-службе кампаніі, новая опцыя дазволіць дадаткова абараніць прадаўцоў і пакупнікоў ад «выпадковых» заказаў.
![](https://i.c97.org/ai/602681/aux-1720862826-1.jpg)
![](https://i.c97.org/ai/602681/aux-1720862826-2.jpg)
Для таго каб скасаваць такую выпадковую замову, даволі націснуць на адмысловую кнопку, якая будзе заставацца актыўнай цягам першай гадзіны ці да таго моманту, як прадавец або склад пачне збіраць вашу замову.
Як скасаваць замову на тэлефоне ці кампутары?
Скасаванне замовы даступнае як у мабільным дадатку, так і на сайце Wildberries.
У мабільнай версіі на прыладах iOS або Android трэба:
у раздзеле «Дастаўкі» націснуць на статус «Аформлена» пад таварам – там з'явіцца опцыя скасавання замовы.
Афармляючы замову праз кампутар, для скасавання трэба:
навесці курсор на картку тавару і выбраць адпаведную функцыю - на поўнай версіі сайта,
навесці курсор на тры кропкі пад таварам – у вэб-версіі прыкладання.
Зрэшты, нават калі вы не паспелі ўкласціся ў належны тэрмін, а скасаваць дастаўку ўсё ж трэба, у кампаніі Wildberries рэкамендавалі зрабіць электронны зварот, напісаўшы на пошту mailto: mailto:[email protected].