З расейскім генералам Цяплінскім пачаліся дзівацтвы пасля ранення
24- 13.07.2024, 13:15
- 43,004
![З расейскім генералам Цяплінскім пачаліся дзівацтвы пасля ранення](https://i.c97.org/ai/544398/aux-head-1681629295-20230416_tylinskiy_360.jpg)
Падначаленыя сумняваюцца ў ягонай адэкватнасці.
Камандзір ПДВ РФ і групоўкі расейскіх войскаў «Дняпро» генерал-палкоўнік Міхаіл Цяплінскі моцна змяніўся пасля стрэсу.
Падначаленыя сумняваюцца ў ягонай адэкватнасці і здольнасці далей займаць высокую пасаду. Пра гэта паведаміў уплывовы расейскі Telegram-канал ВЧК-ОГПУ, спасылаючыся на крыніцы ў асяроддзі генерала.
Інфармацыя пра раненне Цяплінскага з'явілася яшчэ ў пачатку ліпеня. Паведамлялася, што УСУ раніцай 30 чэрвеня нанеслі ўдар па штабе групоўкі «Дняпро» ў прыгарадзе Генічэска. Тады 5 акупантаў сталі «грузам 200», яшчэ 12 атрымалі раненні, сярод якіх быў і Цяплінскі.
Пасля гэтага ранення паводзіны генерала сталі «мякка кажучы, дзіўнымі», сцвярджаюць крыніцы.
«Неадэкватнасць у паводзінах генерала ў адносінах да падначаленых стала выяўляцца пасля апошняга ранення… Цяплінскага проста перасталі пазнаваць», – паведаміў расейскі рэсурс.
Сярод такіх дзівацтваў – строгая забарона 18-й арміі УС РФ збіраць і эвакуяваць уласны «груз 200» у Херсонскай вобласці.
«Цяплінскі адмаўляе сваім падначаленым, не падаючы пры гэтым ніякай зразумелай аргументацыі», – паведаміў Telegram-канал.