У Беларусі захацелі прадаваць чарэшню з акупаванай Запарожскай вобласці
8- 31.05.2024, 10:34
- 6,770
![У Беларусі захацелі прадаваць чарэшню з акупаванай Запарожскай вобласці](https://i.c97.org/ai/294794/aux-head-1529648764-20180622_%D1%81%D1%8F%D1%83%D0%BA%D1%83%D1%8B%D1%8F%D1%82%D1%88%D1%84_%D0%B5.jpg)
Замест узбекскай і азербайджанскай.
Гэтым летам у продаж у Беларусі паступіць чарэшня, вырашчаная на акупаваных Расеяй тэрыторыях Запарожскай вобласці Украіны. Пра гэта распавёў заснавальнік фірмы "Мелітопальская чарэшня", піша ТАСС.
Чарэшню паставяць у чэрвені, партыя складзе некалькі дзясяткаў тон.
«У гандлёвыя сеткі Беларусі мы крыху пазней адправім да паўсотні тон вядомай на ўсю постсавецкую прастору мелітопальскай чарэшні. Такім чынам, з часам мы спадзяемся збольшага замяніць пастаўкі як у Расеі, так і ў Беларусь чарэшні з іншых краін», - заявіў заснавальнік Ігар Гарбуноў.
Варта адзначыць, частка Запарожскай вобласці Украіны была захоплена расейцамі ў 2022 годзе.