Дэбютаваў першы ў гісторыі партугальскі суперкар
4- 31.05.2024, 9:38
- 2,662
![Дэбютаваў першы ў гісторыі партугальскі суперкар](https://i.c97.org/ai/597115/aux-head-1717137302-20240326_foto2_360.jpg)
Дызайн з Формулы-1 і матор ад пікапа.
Партугальскі вытворца карбонавых дэталяў Adamastor прэзентаваў сваю дэбютную мадэль аўта Furia. Экстрэмальны трэкавы суперкар выпусцяць лімітаванай серыяй з 60 аўто коштам на 1,6 млн еўраў. Аб гэтым паведамляе сайт Top Gear.
Першы партугальскі суперкар нагадвае Aston Martin Valkyrie, што і нядзіўна дызайн абодвух аўто прадыктаваны аэрадынамікай. Пярэдняя частка Adamastor Furia нагадвае нос баліда Формулы-1 . Ззаду ўсталяваныя спойлер і дыфузар.
![](https://i.c97.org/ai/597115/aux-1717137297-1.jpg)
Карбонавы суперкар важыць усяго 1100 кг. Прадуманая аэрадынаміка забяспечвае 1000 кг прыціскной сілы на хуткасці 250 км/г.
![](https://i.c97.org/ai/597115/aux-1717137297-2.jpg)
Новы Adamastor Furia абсталяваны 3,5-літровым 650-моцным V6 твін-турба ад Ford GT, у аснове якога ляжыць рухавік пікапа Ford F-150. З секвентальны КПП разгон да 100 км/г займае 3,5 з, а да 200 км/г - за 10,2 з. Максімальная хуткасць перавышае 300 км/г.
Партугальскі суперкар атрымаў самаблакавальны дыферэнцыял, гоначную падвеску і карбонава-керамічныя тармазы AP Racing з рэгуляваным націскам на педалі.