Аператар А1 нечакана адказаў на прэтэнзіі ўладаў
17- 30.05.2024, 16:13
- 27,988
![Аператар А1 нечакана адказаў на прэтэнзіі ўладаў](https://i.c97.org/ai/406145/aux-head-1609595042-20200102_aaa_360.jpg)
Кампанія апублікавала заяву.
Міністэрства антыманапольнага рэгулявання і гандлю (МАРГ) праверыла эканамічныя разлікі і ўзгадніла тарыфы, вызначаныя сотавым аператарам А1. Пра гэта гаворыцца ў афіцыйным каментарыі кампаніі, размешчаным на яе сайце.
"Заўвагі кантрольных органаў датычыліся выключна пытанняў тэхнічнага афармлення, што ніякім чынам не ўплывала ні на працэс фармавання тарыфу, ні на велічыню тарыфу, пры гэтым заўвагі былі ліквідаваныя яшчэ падчас самой праверкі", - сцвярджаецца ў каментарыі.
Таксама ў А1 падкрэсліваюць: пры праверцы высветлілася, што "дзеянні кампаніі не прынеслі шкоды ні кліентам кампаніі, ні дзяржаве".
Напярэдадні мабільнага аператара А1 аштрафавалі за павышэнне тарыфаў для кліентаў. Спецыялісты МАРГ заявілі, што ў кампаніі не было эканамічных разлікаў, якія пацвярджаюць неабходнасць павышэння тарыфаў. Эканамічны суд Менска аштрафаваў кампанію на 5% ад кошту рэалізаваных паслуг павышанымі тарыфамі. А аднаго з супрацоўнікаў кампаніі аштрафавалі на 480 рублёў.
Пастанова суда пакуль не набыла моц, кампанія можа яе абскардзіць у Вярхоўным судзе.