ASTRA: Уначы Украіна магла знішчыць да сямі расейскіх караблёў
9- 30.05.2024, 13:51
- 39,748
![ASTRA: Уначы Украіна магла знішчыць да сямі расейскіх караблёў](https://i.c97.org/ai/576877/aux-head-1703447363-20231224_sea_360.jpg)
Рэкордны ўдар.
У выніку ўдараў па часова акупаванай Керчы ўночы ў чацвер, 30 траўня, Украіна магла знішчыць да сямі варожых караблёў, паведамляе расейскі Telegram-канал ASTRA.
Са звестак ASTRA, падчас нападу ў Крыме былі пашкоджаныя або знішчаныя пяць катараў і два паромы расейцаў.
Адзначаецца, што пашкоджанні атрымалі паромы "Канро Трэйдар" і "Авангард". Апошні праз пашкоджанні сеў на мель, сцвярджаюць крыніцы ASTRA ў экстраных службах акупаванай паўвыспы.
Telegram-канал піша, што на пароме “Канро Трэйдар” раненні атрымаў адзін з чальцоў экіпажа, яму зараз робяць аперацыю. У той жа час на "Авангардзе" пацярпелі чатыры чалавекі, у тым ліку двое 19-гадовых практыкантаў.
Акрамя таго, пашкоджанні атрымалі чатыры транспартна-дэсантныя катары КС 701, аб знішчэнні двух з якіх ужо паведамілі ў Галоўнай управе выведкі Мінабароны Украіны. Яшчэ два паромы былі пашкоджаныя ад абломкаў збітых ракет.
Раней Telegram-канал ASTRA заявіў, што ў выніку атакі Сіл абароны Украіны ў Крыме таксама затануў расейскі лоцманскі катар "Мара".