Танкі і пяхота РФ пайшлі на штурм мікрараёна Новы ў Часавым Яры
5- 30.05.2024, 12:58
- 10,210
![Танкі і пяхота РФ пайшлі на штурм мікрараёна Новы ў Часавым Яры](https://i.c97.org/ai/526410/aux-head-1669885257-20221130_army_rus_mobiki_360.jpg)
Сітуацыя абвостраная.
Расейскія акупанты працягваюць актыўныя дзеянні на фронце, у тым ліку і на Данбасе. Зараз супраціўнік спрабуе штурмаваць мікрараён Новы ў горадзе Часаў Яр. Больш падрабязна пра гэта распавёў начальнік прэс-службы 26-й артылерыйскай брыгады імя генерал-харунжага Рамана Дашкевіча Алег Калашнікаў у эфіры "Еспрессо.TV".
Паводле ягоных слоў, супраціўнік жадае рушыць наперад у Данецкай вобласці і ўзяць пад свой кантроль новыя тэрыторыі, аднак наўзамен ён толькі страчвае значную колькасць тэхнікі і асабовага складу.
«Вораг спрабуе штурмаваць сам Часаў Яр. Гэта там, дзе мікрараён Новы. Таксама ўзмацняе штурмавыя дзеянні - гэты кірунак Іванаўскі, Багданаўка, Калінаўка і не пакідае без сваёй увагі Кляшчэеўку, Андрэеўку. Расейцы ўжо выкарыстоўваюць не толькі пяхотныя падраздзяленні, а ўсё часцей уключаюць механізаваны складнік - гэта танкі і баявыя браняваныя машыны. Супраціўнік пачаў больш інтэнсіўна выкарыстоўваць артылерыйскі складнік», — заявіў Алег Калашнікаў.
Асобна прадстаўнік 26-й артбрыгады дадаў, што сітуацыю сапраўды можна назваць напружанай і УС РФ увесь час спрабуюць ажыццяўляць наступальныя дзеянні, тым самым ужываючы ўсё ўзбраенне, якое ў іх ёсць у наяўнасці.
Украінскія абаронцы пры гэтым таксама актыўна дзейнічаюць - супраціўніку не ўдаецца прарваць абарону.
«Трэба адзначыць, што мы дастаткова добра знішчаем ворага. Расейцы страчваюць значную колькасць тэхнікі і асабовага складу», - падсумаваў Алег Калашнікаў.
![](https://i.c97.org/ai/597018/aux-1717062944-2d73fae99a07b7caebd6067b6f8a0ce5.png)
![](https://i.c97.org/ai/597018/aux-1717062944-cc9444593860aa7441ed160bc70e7ca4.png)