Лукашэнка ляціць у яшчэ адну экзатычную краіну
45- 30.05.2024, 11:11
- 16,414
![Лукашэнка ляціць у яшчэ адну экзатычную краіну](https://i.c97.org/p/articles/2015/ai-167029-aux-head-20150901_luka_new_t.jpg)
Адразу на чатыры дні.
З 1 да 4 чэрвеня Аляксандр Лукашэнка будзе знаходзіцца ў Манголіі з афіцыйным візітам. Пра гэта паведамляе прэс-служба дыктатара.
Лукашэнка правядзе перамовы з прэзідэнтам Манголіі Ухнаагійнам Хурэлсухам ва Улан-Батары ў вузкім і пашыраным складах. Паведамляецца, што найперш будуць абмяркоўвацца магчымасці пашырэння ўзаемадзеяння ў гандлёва-эканамічнай сферы, пастаўкі на мангольскі рынак харчовай і прамысловай прадукцыі беларускіх прадпрыемстваў, супольная праца ў АПК. Чакаецца падпісанне шэрага двухбаковых дакументаў.
Акрамя таго, як адзначае прэс-служба Лукашэнкі, ён «азнаёміцца з гісторыяй, самабытнымі традыцыямі і звычаямі народа Манголіі».