У Літве перахапілі два грузы кантрабандных цыгарэтаў з Беларусі
5- 28.05.2024, 21:48
- 4,544
![У Літве перахапілі два грузы кантрабандных цыгарэтаў з Беларусі](https://i.c97.org/ai/596815/aux-head-1716922116-20240101_udost_360.jpg)
Яны прыляцелі на метэазондах.
Літоўскія памежнікі перахапілі два грузы кантрабандных цыгарэтаў, дастаўленых на метэазондах з Беларусі, паведамілі ў Памежнай службе Літвы.
У нядзелю, 26 траўня, памежнікі знайшлі ў Шальчынінскім раёне рэшткі метэазонда і пакет, у якім знаходзіліся 500 пачкаў цыгарэтаў NZ Gold з беларускімі акцызамі і GPS-трэкер.
![](https://i.c97.org/ai/596815/aux-1716922189-11.jpg)
Праз два дні памежнікі ў тым самым раёне проста ля дзяржмяжы знайшлі яшчэ адзін метэазонд, да якога быў прымацаваны прамавугольны скрутак. У ім знаходзіліся 600 пачкаў цыгарэтаў з беларускімі акцызамі.
![](https://i.c97.org/ai/596815/aux-1716922189-22.jpg)
Ва ўстанове расказалі, што такія паветраныя шары вырабляюцца ў Кітаі, Індыі, Японіі і іншых краінах. Іх можна набыць у інтэрнэце. Метэазонд напаўняецца геліем або вадародам і можа падымацца на вышыню 25–30 км, пасля чаго выбухае.