Украінцы ўпершыню афіцыйна паказалі ўнікальную сістэму СПА, перададзеную амерыканцамі
2- 28.05.2024, 14:51
- 14,340
![Украінцы ўпершыню афіцыйна паказалі ўнікальную сістэму СПА, перададзеную амерыканцамі](https://i.c97.org/ai/596752/aux-head-1716890540-20240525_franken_Sam_3600.png)
Першую варожую цэль дзякуючы ёй збілі яшчэ ў студзені 2024-га года.
Паветранае камандаванне «Усход» упершыню паказала адзін з праектаў FrankenSAM - самаробную гібрыдную сістэму супрацьпаветранай абароны, якую ЗША пераабсталявалі для Украіны. Гаворка ідзе аб савецкім зенітным ракетным комплексе Бук з амерыканскімі ракетамі RIM-7 Sea Sparrow.
Першую варожую цэль дзякуючы яму абаронцы збілі яшчэ ў студзені 2024 года, але толькі зараз з'явілася магчымасць убачыць, як выглядае гэты ЗРК. Больш падрабязна пра гэта распавялі ў Defense Express.
![](https://i.c97.org/ai/596752/aux-1716890549-4457947557769453012833724836962244441827827n.jpeg)
Здымкамі ўстаноўкі ў ВК "Усход" праілюстравалі аповед пра маёра С., які з абслугай у сваёй зоне адказнасці больш за ўсё працуе па расейскіх крылатым ракетах, самалётах, гелікаптэрах. Ён растлумачыў, што самыя складаныя цэлі для знішчэння - тыя, што ляцяць на вельмі малых вышынях.
![](https://i.c97.org/ai/596752/aux-1716890549-4450294307769452946167065176150247779383662n.jpeg)
І хоць на фота самаходная агнявая ўстаноўка 9А310 прыкрытая маскавальнай сеткай, аналітыкі адзначылі, што некаторыя дэталі інтэграцыі сталі вядомыя публічна. Тое, што яе пускавы механізм застаўся арыгінальным або з нязначнымі зменамі. Але замест чатырох ракет 9М38 ён месціць такую ж колькасць RIM-7 у транспартна-пускавых кантэйнерах.
На фота з іншага ракурсу спецыялісты разгледзелі, што радыёлакацыйнае абсталяванне 9А310 таксама не зведала істотных змен. Напрыклад, радыёпразрысты каўпак РЛС 9С35 застаўся на тым жа месцы.
«Ці ёсць пад ім савецкая РЛС, якая адказвае за выяўленне, суправаджэнне і падсветку цэлі, - невядома. Але, хутчэй за ўсё, 9С35 засталася без змен… Яна працуе ў сантыметровым дыяпазоне, як і РЛС падсвятляе цэлі для ракеты RIM-7 Mk 115, Mk 95 або Mk 23. Але гэта не значыць, што савецкую РЛС не давялося мадэрнізаваць ці перабудаваць пад неабходныя частоты і мадуляцыі», - гаворыцца ў публікацыі.
Таксама спецыялісты звярнулі ўвагу на адзнакі збітых цэляў, якія абаронцы нанеслі на ўстаноўку. Яны знішчылі з яе два выведвальныя дроны ворага, а таксама ўдарны БПЛА «Ланцэт».
«Гэта значыць, гэты ЗРК працуе дастаткова эфектыўна нават па малапамерных цэлях», – дадалі аналітыкі.
![](https://i.c97.org/ai/596752/aux-1716890549-4454285857769453346167024261686355334601303n.jpeg)
Асобна яны адзначылі, што з ракетамі RIM-7 далёкасць дзеяння Бука скарацілася з некаторых звестак, гэта 20 км. Да прыкладу, далёкасць у тры разы цяжэйшай савецкай 9М38 складае да 30 км, аднак такія ракеты, магчыма, вырабляюцца толькі ў краіне-агрэсары РФ.
Таму спецыялісты перакананыя, што пераход на RIM-7 - гэта абсалютна прагматычнае і досыць хуткае развязанне, бо ў адваротным выпадку ўсе гавотвыя ва Украіне ЗРК «Бук» без ракет давялося б «адправіць на склад або перапрацоўваць у цягачы».