Навошта ў Беларусь прыляцелі восем расейскіх гелікаптэраў?
21- 28.05.2024, 19:59
- 33,474
![Навошта ў Беларусь прыляцелі восем расейскіх гелікаптэраў?](https://i.c97.org/ai/596751/aux-head-1716890319-20240528_mi24_rus_360.jpg)
Перад імі могуць стаяць канкрэтныя вайсковыя задачы.
У Баранавічы прыляцелі восем гелікаптэраў Мі-24 і Мі-8 ВКС Расеі.
Да чаго могуць рыхтавацца расейцы? Такое пытанне сайт Charter97.org задаў ваеннаму экспэрту, судырэктару праграм знешняй палітыкі і міжнароднай бяспекі цэнтра Разумкова ў Кіеве Аляксею Мельніку:
- Афіцыйная легенда абвяшчае аб адпрацоўцы супольных дзеянняў у супрацьпаветранай абароне. На мой погляд, гэта адпавядае рэчаіснасці, зыходзячы з таго аб'ёму сіл, які задзейнічаны ў гэтых вучэннях.
Адной з мэт можа быць чарговая спроба Пуціна больш актыўна залучыць беларускія Узброеныя сілы да ўдзелу ў «СВА».
— На аэрадроме Баранавічы зараз знаходзяцца два выведвальныя самалёты Су-24МР; мінімум чатыры знішчальнікі Су-30СМ; восем гелікаптэраў Мі-24 і Мі-8. На што здольнае такое падраздзяленне?
- Такі кантынгент не здольны рабіць што-небудзь сур'ёзнае, калі казаць пра магчымыя супольныя правакацыі Пуціна і Лукашэнку з тэрыторыі Беларусі. Возьмем, напрыклад, выведчык Су-24МР.
У сённяшніх умовах выкарыстанне гэтай тэхнікі ў непасрэднай блізкасці да лініі фронту звязанае з рызыкай практычна 100% знішчэнні гэтага самалёта. Наўрад ці гэты самалёт можа быць эфектыўна выкарыстаны ў сучасных баявых дзеяннях, улічваючы развіццё беспілотнай авіяцыі.
Калі ісці далей па спісе, то зразумела, што адна з асноўных мэт найноўшых расейскіх знішчальнікаў - супрацьпаветраная абарона. У Беларусі, калі не памыляюся, ёсць амаль звяно Су-30 і Су-27, Міг-29, якія застаюцца дастаткова дзеяздольнымі.
Гелікаптэры ж Мі-8 (як адзін са сцэнарыяў) могуць паблізу ўкраінскай мяжы заняцца пастаноўкай перашкод або выведвальнай дзейнасцю.
Дарэчы, што да Су-24, то лётаючы над паветранай прасторай Беларусі, увогуле, з-за палітычных абмежаванняў, якія існуюць на ўзроўні Украіны, яны могуць сябе адчуваць дастаткова бяспечна.
Падводзячы вынік: так, ідуць вучэнні, але не выключаю, што могуць быць нейкія пэўныя вайсковыя задачы: выведвальныя або радыёэлектронныя процідзеянні, якія будуць выконваць гэтыя сілы ўздоўж беларуска-ўкраінскай мяжы.