Кітай падрыхтаваў новы «сюрпрыз» для Расеі
- 28.05.2024, 12:11
- 4,854
![Кітай падрыхтаваў новы «сюрпрыз» для Расеі](https://i.c97.org/ai/596744/aux-head-1716887438-20240525_port_kitaj_360.png)
Дастаўка тавараў з гэтай краіны морам падаражэла на траціну.
Новая непрыемнасць для пастаўшчыкоў тавараў у Расею: іх перавозка морам з Кітая хутка даражэе, расказваюць транспартныя кампаніі і імпарцёры. Гэтыя дадатковыя выдаткі будуць перакладзеныя ў кошты.
Нечаканае ажыўленне сусветнага гандлю на фоне праблем з суднаходствам на самых папулярных маршрутах у Чырвоным моры і выкліканая гэтым нястача кантэйнераў у Кітаі пачалі адбівацца на кошце тавараў у Расеі. За апошнія два тыдні стаўкі фрахту марскога 40-футавага кантэйнера з Шанхая ў Маскву морам і па чыгунцы выраслі на 13% з $6000 да $ 6800, вынікае з расцэнак, якія даслалі The Moscow Times дзесяць транспартных кампаній. Цяпер яны на 35% вышэйшыя, чым у другой палове красавіка - тады, са звестак лагістычнай кампаніі Tradest, стаўкі крыху перавышалі $ 5000.
Растуць кошты і на іншых асноўных кірунках марскіх перавозак у Расею - у Санкт-Пецярбург і Новарасійск, адзначаецца ў аглядзе Tradest, і змянення гэтай тэндэнцыі пакуль не прадбачыцца, таму што яна звязана з нястачай кантэйнераў на кітайскім рынку.
"На канец чэрвеня нам ужо прапануюць мора + чыгунка да Масквы за $7250", – абураецца мэнэджар кампаніі ў продажы адзення. "Як і многія нашы калегі, пераходзім на дастаўку грузаў фурамі з Кітая, там цэны больш стабільныя - ад $ 3500-4000 за фуру", - распавядае імпарцёр посуду. Проста рэзервуйце вольныя месцы, інакш наогул нікуды не завезяце свой груз, кажа ў адказ на гэта мэнэджар буйной транспартнай кампаніі. Хуткага развязання праблем ніхто з іх не прадбачыць.
Нястача суднаў і кантэйнераў праз праблемы з суднаходствам на самых папулярных гандлёвых маршрутах у Чырвоным моры распаўсюдзілася па ўсёй Азіі і прывяла да таго, што Шанхайскі індэкс кантэйнерных перавозак SCFI да сярэдзіны траўня дасягнуў самага высокага ўзроўню з верасня 2022 года, за мінулы тыдзень падрос яшчэ на 7 адсоткаў. Найбуйнейшы аператар марскіх перавозак у свеце, дацкая Maersk сцвярджае, што страта прапускной здольнасці на маршрутах Азія-Еўропа і па Міжземнамор'і дасягнула 15-20%, паказвае профільны рэсурс Linerlytica.
Сітуацыя з эфектыўнымі магутнасцямі не такая гаротная, як мяркуюць перавозчыкі, але высокі попыт, які апераджае ўсе прагнозы, заспеў рынак знянацку, паколькі кантэйнернае абсталяванне і судны таксама ў дэфіцыце, адзначаюць экспэрты Linerlytica. Амаль ва ўсіх партах Азіі грузаадпраўшчыкі вымушаныя чакаць парожніх кантэйнераў - ад некалькіх дзён да тыдня, а ў Кітаі 40-футавыя кантэйнеры практычна на зыходзе, адзначаюць аналітыкі іншага лагістычнага рэсурсу Drewry.
У выпадку з Расеяй сітуацыя пагаршаецца дысбалансам у гандлі: імпарт - у асноўным тавары і абсталяванне, а галоўны артыкул экспарту - энэргарэсурсы. “Расея - вельмі вялікая краіна. І таму тут затрымліваюцца кантэйнеры”, - іранізуюць экспэрты Цэнтра эканамічнага прагназавання ГПБ. З іх падлікаў, з пачатку 2023 г. у Расею праз парты і па чыгунцы было імпартавана на 530 тысяч 20-футавыя кантэйнераў больш, чым вывезена з краіны.
Частка пустых кантэйнераў вывозіцца на захоўванне, прадаецца ці здаецца на метал, але большая частка абсталявання застаецца на складах, абмяжоўваючы магчымасці апрацоўкі грузаў. У апошні час праблема настолькі абвастрылася, што адна з найбуйнейшых замежных марскіх ліній забараніла з 1 красавіка здаваць у Екацярынбургу свае кантэйнеры па схеме дроп-оф (збор за зварот які належыць перавозчыку кантэйнера ў месцы, адрозным ад месца прызначэння), а ў большасці іншых гарадоў тарыфы дасягнулі максімумаў, павялічыўшыся ў некалькі разоў з сярэдзіны 2023 г., адзначаюць экспэрты ЦЭП.
Цэнтр цэнавых індэксаў (ЦЦІ) таксама фіксуе рост кошту дастаўкі з Кітая. Паводле яго звестак, у траўні пачалі расці цэны на прамую перавозку кантэйнераў з Кітая ў Расею, якія да гэтага на працягу года планамерна зніжаліся. Да сярэдзіны месяца яны, паводле ацэнкі ЦЦІ, дадалі да 8% у залежнасці ад маршруту.