На мяжы Літвы і Беларусі - транспартны калапс
2- 28.05.2024, 9:39
- 6,696
![На мяжы Літвы і Беларусі - транспартны калапс](https://i.c97.org/ai/596718/aux-head-1716878334-20240525_czarga_360.png)
Чарга з легкавікоў расцягнулася на кіламетры.
Чарга з легкавікоў у Медніках на літоўска-беларускай мяжы - амаль тры кіламетры. У чарзе шмат перагонных машын. Стаяць і літоўскія аўто.
«Чарга складае 2,8 км. Бліжэй да шлагбаума стаяць незадаволеныя людзі і спыняюць усіх, хто едзе без чаргі. Усе чакаюць нармальную змену на Літве», паведамляе тэлеграм-канал Infotrans Media Belarus.
Што да чэргаў з Беларусі ў ЕЗ, то сітуацыя наступная:
на памежным пераходзе «Берасце» на мяжы з Польшчай чарга на 8:00 складае 45 аўтобусаў і 230 легкавікоў, паведамляе Памежны камітэт.
На літоўскай мяжы ў Беняконях стаіць 680 грузавікоў і 90 легкавікоў. Чаргі з аўтобусаў няма.
У Каменным Логу - 150 легкавікоў і 780 грузавікоў, чаргі з аўтобусаў няма.
На беларуска-латвійскай мяжы ў Грыгароўшчыне чэргаў з аўтобусаў няма, стаіць 10 легкавікоў, але затое 330 грузавікоў.
![](https://i.c97.org/ai/596718/aux-1716878340-auta240528-qe58e.jpg.jpg)