Ударам па авіябазе «Кушчэўская» знішчаны самалёт элітнай групы «Расейскія Віцязі»
10- 25.05.2024, 11:58
- 21,302
![Ударам па авіябазе «Кушчэўская» знішчаны самалёт элітнай групы «Расейскія Віцязі»](https://i.c97.org/ai/596401/aux-head-1716627228-20240326_foto2_360.jpg)
Апублікаваныя новыя спадарожнікавыя здымкі.
Украінскія дроны 19 траўня паспяхова атакавалі авіябазу «Кушчэўская» ў Краснадарскім краі Расеі. У выніку гэтага былі знішчаны мінімум тры расейскія знішчальнікі.
Журналісты Defense Express адзначылі, што адзін з самалётаў належаў элітнай расейскай пілатажнай групе "Расейскія Віцязі". Менавіта яны прымаюць удзел у розных авіяшоў расійскіх захопнікаў.
Журналісты нагадалі, што яшчэ ўночы 19 траўня ўкраінскія дроны паспяхова атакавалі расейскі аэрадром на станіцы Кушчэўская Краснадарскага краю. Гэты аэрадром размешчаны за 250 кіламетраў ад лініі фронту.
У выданні падкрэсліваюць, што хоць гэта з'яўляецца вучэбна-трэніровачнай 195 авіябазай, там зараз базуецца баявая франтавая авіяцыя, у тым ліку бамбавікі Су-34.
У той жа час журналісты "Радыё Свабоды" апублікавалі спадарожнікавыя здымкі, на якіх ужо зафіксаваны вынік атакі на авіябазу "Кушчэўская". На кадрах зафіксаваны пашкоджанні самалётаў, якія былі ідэнтыфікаваныя, як франтавы бамбавік Су-34 і знішчальнікі Су-27 і Су-30.
![](https://i.c97.org/ai/596401/aux-1716627178-1.jpg)
“Дадатковую ўвагу можна надаць самалёту, які абазначаны, як Су-27. Таму што ён мае стандартную афарбоўку ў колерах пілатажнай групы "Рускія Віцязі",
- гаворыцца ў матэрыяле.
Журналісты адзначылі, што гэтая група сапраўды эксплуатуе Су-27, пры гэтым, як чатыры аднамесныя Су-27П, так і два двухмесныя Су-27УБ. Але ў 2016 годзе «Расейскія Віцязі» атрымалі восем Су-30СМ.
Але на Су-27, паводле звестак выдання, расейскія захопнікі паляталі не так і доўга. Бо з 2019 года яны пачалі перасаджвацца на Су-35, які на спадарожнікавых здымках будзе выглядаць гэтак жа, як і Су-27П.
“Таму пытанне ідэнтыфікацыі пакідаем за дужкамі да з'яўлення дадатковай інфармацыі. Але сам факт з'яўлення на баявой авіябазе аднаго самалёта пілатажнай групы - вельмі цікавы. І можа намякаць на тое, што са знішчальнікамі ў Расеі не ўсё так ідэальна, як яны спрабуюць паказаць”, - пішуць у Defense Express.